"შეუძლებელია, პატრიოტთა ალიანსს ამ არჩევნებში მიეღო 3%...არ ვცნობთ შედეგებს" - ირმა ინაშვილი
"პატრიოტთა ალიანსის" ლიდერი ირმა ინაშვილი საპარლამენტო არჩევნების შედეგებს ეხმიანება და აცხადებს, რომ არჩევნები ტოტალურად გაყალბდა. ცესკოს წინასწარი მონაცემებით "პატრიოტთა ალიანსს" ამომრჩეველთა 3,18-მა პროცენტმა მისცა ხმა.
ინაშვილი "ფეისბუქის" პირად გვერდზე განცხადებას ავრცელებს:
"მიგვაჩნია, რომ ქართველი ხალხისთვის სრულიად ნათელია - არჩევნები ტოტალურად და სამარცხვინოდ გაყალბდა! აბსოლუტურად შეუძლებელია, რომ საქართველოს პატრიოტთა ალიანსს ამ არჩევნებში მიეღო 3%!
შეუძლებელია, რომ პარტიის საპროტესტო აქციებში მონაწილეობდეს უფრო მეტი ადამიანი, ვიდრე არჩევნებში მოგვცა ხმა!
ჩვენს მხარდამჭერებს მოვუწოდებ: გამოიჩინეთ მოთმინება, ამ წუთებში პარტიის პოლიტსაბჭო მსჯელობს შემდგომი მოქმედებების გეგმაზე. ჩვენ არ ვაპირებთ დათმობას! იქნება აქციებიც და იქნება მოწოდებებიც!
ჩვენ ვემზადებით დიდი ბრძოლისთვის. მკაფიოდ ვამბობთ: არ ვცნობით ამ არჩევნების შედეგებს! მადლობას ვეუბნები ჩვენს მხარდამჭერებს, აქტივს, ყველას, ვინც მზადაა ჩვენთან ერთად იმოქმედოს! ვითხოვთ ხელახალ არჩევნებს" - წერს ინაშვილი სოციალურ ქსელში.