"წადი, წადი" - ამ შეძახილებით ივანიშვილის რეზიდენციასთან ოპოზიცია აქციას მართავს - ადგილზე მობილიზებულია საპატრულო პოლიცია (ფოტოები)

პარლამენტის შენობის წინ შეკრებილმა აქციის მონაწილეებმა სოლოლაკში, ბიძინა ივანიშვილის რეზიდენციასთან გადაინაცვლეს. ადგილზე საპატრულო პოლიციაა მობილიზებული.

ადგილზე ცოტა ხნის წინ ხმაური იყო. აქციის მონაწილეებმა პოლიციის კორდონის გარღვევა სცადეს, თუმცა, საბოლოოდ სამართალდამცველებმა მათ ბიზნესცენტრთან მიახლოების საშუალება არ მისცეს.

აქციის მონაწილეები ამ დრომდე სოლოლაკში რჩებიან. ისინი სკანდირებენ - "წადი, წადი!“. ადგილზე პოლიციაა მობილიზებული.

ოპოზიციური პარტიების წევრები და მხარდამჭერები რუსთაველის გამზირზე პარლამენტის შენობის წინ 16:00 საათიდან შეიკრიბნენ, სადაც ოპოზიციური პარტიების ლიდერებმა განცხადებები გააკეთეს, რის შემდეგაც აქციის მონაწილეებმა სოლოლაკში, ბიძინა ივანიშვილის რეზიდენციასთან გადაინაცვლეს.