"ჩატარდეს არა ვადამდელი, არამედ ხელახალი არჩევნები" - "ქართული მარში" "ქართული ოცნების" ოფისთან აქციას მართავს

"ქართული მარში" "ქართული ოცნების" ოფისთან აქციას მართავს. როგორც პარტიის ერთ-ერთმა ლიდერმა ირაკლი შიხიაშვილმა განაცხდა, მათი მთავარი მოთხოვნა არჩევნების ხელახლა ჩატარებაა.

“უნდა ჩატარდეს არა ვადამდელი, არამედ ხელახალი არჩევნები. ამ არჩევნების აღიარება არ შეიძლება და ყველა პოლიტიკური ძალა ვალდებულია დაამტკიცოს, რომ პირადი მერკანტილური ინტერესით კიარ მოქმედებს, არამედ ემორჩილება ქართველი ერის ნებას. ჩვენ ვუერთდებით გაერთიანებული ოპოზიციის მოთხოვნებს, თუმცა ჩვენ სხვა სამოქმედო გეგმა გვაქვს”, - განაცხადა ირაკლი შიხიაშვილმა.

მისივე თქმით, “ქართული მარშის” წარმომადგენლები რამდენიმე დღეში მიმართავენ უკიდურესი პროტესტის ფორმას და დაიწყებენ შიმშილობას კანცელარიასთან.