ილიკო სუხიშვილი მოტოციკლით ავარიაში მოყვა

ქართული ნაციონალური ბალეტის სუხიშვილების ხელმძღვანელი, მოცეკვავე ილიკო სუხიშვილი მოტოციკლით ავარიაში მოყვა. ინფორმაციას ამის შესახებ "მთავარი არხი" ავრცელებს. ტელეკომპანიის ცნობით, ავტოსაგზაო შემთხვევისას ის ბოძს შეეჯახა.

"მთავარის" ინფორმაციით, შინაგან საქმეთა სამინისტროში ამბობენ, რომ მომხდართან დაკავშირებით გამოძიება სისხლის სამართლის კოდექსის 276-ე მუხლის მეორე ნაწილით დაიწყო, რაც სატრანსპორტო საშუალების მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ჯანმრთელობის ნაკლებად მძიმე დაზიანება გამოიწვია.