"იქ დედაჩემი იბრძვის სიცოცხლისთვის...ვიმუშავებ ანაზღაურების გარეშე" - ექიმი ნუტრიციოლოგი ნატა გაგუა მზადაა კლინიკაში ექთნის დამხმარედ იმუშაოს
ცნობილი ექიმ-ნუტრიციოლოგ ნატა გაგუას სურს კლინიკაში ექთნის დამხმარედ იმუშაოს და კორონავირუსით ინფიცირებულ პაციენტებზე იზრუნოს. ამის შესახებ გაგუა "ფეისბუქის პირად გვერდზე წერს:
"დღეს გავიგე, რომ ალექსანდრე ალადაშვილის სახელობის კლინიკაში ინტენსიური თერაპიის განყოფილებაში, კოვიდ ინფიცირებული პაციენტებისთვის არის ექთნის დამხმარის ვაკანსია. ამ განყოფილებაში უკვე 20 დღეა დედაჩემი იბრძვის სიცოცხლისთვის. მძიმე მდგომარეობაა, ექიმი, ბ-ნი ლევან ბესელია და მისი გუნდი თავდაუზოგავად იბრძვიან პაციენტების გადასარჩენად.
ვიმუშავებ განყოფილებაში ყოველგვარი ანაზღაურების გარეშე და ვიქნები ექთნის დამხმარე. დარწმუნებული ვარ, რომ ეს დედაჩემსაც ფსიქოლოგიურად ძალიან დაეხმარება და ამას გარდა, იქვე მწოლიარე სხვა პაციენტების (რამდენსაც შევძლებ) მოვლაში დაგეხმარებით" - წერს ნატა გაგუა.
კახი კალაძის მამიდა კორონავირუსით გარდაიცვალა - "წავიდა ყველაზე კეთილშობილი ადამიანი"
"უფრო მარტივად ვრცელდება, თუმცა უფრო მძიმედ მიმდინარეობა არ ახასიათებს" - რას ამბობს ამირან გამყრელიძე ბრიტანეთში გამოვლენილ კორონავირუსის ახალ შტამზე
