ზუგდიდში ავტოსაგზაო შემთხვევას ერთი ადამიანი ემსხვერპლა

ზუგდიდის სოფელ ჭითაწყარში მომხდარ ავტოსაგზაო შემთხვევას ერთი ადამიანი ემსხვერპლა. მამაკაცი სასწრაფო სამედიცინო დახმარების სამსახურმა ზუგდიდის რეფერალურ ჰოსპიტალში გადაიყვანა, თუმცა ის საავადმყოფოში გარდაიცვალა.

ჰოსპიტალში ამ დროისთვის შემთხვევის შედეგად კიდევ ერთი დაშავებული იმყოფება. მისი ჯანმრთელობის მდგომარეობის შესახებ ინფორმაცია ჯერ არ არის ცნობილი. არსებული ინფორმაციით, ერთმანეთს ორი მსუბუქი ავტომობილი შეეჯახა.

შს სამინისტრომ გამოძიება სსკ 276-ე მუხლის მეორე ნაწილით დაიწყო.