"რა კორონა, რა მორონა, რა ჯანდაბა და რა ოხრობა, სადაც ქრისტეა იქ რა უნდა კორონას?!" - რას ამბობდა მეუფე სპირიდონი კორონავირუსზე, რომელიც ახლა თავადაა ინფიცირებული

როგორც ცნობილი გახდა, სხალთის მთავარეპისკოპოსს, მეუფე სპირიდონს კორონავირუსი დაუდასტურდა. ამის შესახებ ინფორმაცია საპატრიარქოს პრესსამსახურის უფროსმა, დეკანოზმა ანდრია ჯაღმაიძემ გაავრცელა.

"მეუფე სპირიდონს დაუდასტურდა კოვიდვირუსი და მკურნალობს საავადმყოფოში", - დაწერა სოციალურ ქსელში ჯაღმაიძემ.

აღსანიშნავია, რომ მეუფე სპირიდონი იმ სასულიერო პირთა რიცხვს განეკუთვნება, რომლებიც კორონავირუსს სკეპტიკურად უყურებდნენ. მისი ქადაგების დროს გადაღებული ვიდეო კი ზაფხულში სოციალურ ქსელებში ვირუსულად გავრცელდა.

"რა კორონა, რა მორონა, რა ჯანდაბა და რა ოხრობა, სადაც ქრისტეა იქ რა უნდა კორონას და ვირეშმაკობას, კაცო, რა უნდა იქა?" - ამბობდა მეუფე სპირიდონი ქადაგებისას.

ნახეთ ვიდეო: