ქობულეთის საკრებულოს წევრი კორონავირუსით გარდაიცვალა
ქობულეთის საკრებულოში სოფელ დაგვას მაჟორიტარი დეპუტატი "ქართული ოცნებიდან" მალხაზ რომანაძე კორონავირუსის შედეგად გარდაიცვალა. დეპუტატი ბათუმის სამედიცინი ცენტრში მკურნალობდა.
მას კორონავირუსი ორი კვირის წინ დაუდასტირდა და მკურნალობას სახლში გადიოდა. მდგომარეობის გართულების გამო, კლინიკაში მოათავსეს,
მალხაზ რომანაძეს ფილტვის 22-ქულიანი დაზიანება აღენიშნებოდა. დეპუტატი ორი დღის განმავლობაში მართვით სუნთქვაზე იმყოფებოდა.
მალხაზ რომანაძის გარდაცვალების ფაქტს მეგობრები სოციალურ ქსელში გამოეხმაურნენ და მწუხარება გამოთქვეს.
"ღირსეული იყო ჭირშიც და ლხინშიც! უშიშარი, მეგობრობის და გაჭივრებაში გვერდით დგომის მაგალითი! ცხონებისთვის უთვალავი სიკეთე დატოვა წუთისოფელში მშიდობით ",- აღნიშნავს ცოტნე ანანიძე, აჭარის უმაღლესი საბჭოს დეპუტატი.
ცნობისთვის, მალხაზ რომანაძე 2017 წლიდან ქობულეთის საკრებულოს წევრია, პარალელურად ქობულეთის ბაზრის დირექტორის პოზიციაზე მუშაობდა.
„ტოიოტა ცენტრ თბილისში“ მომხმარებელი ორიგინალი ზეთისა და ფილტრის შეცვლას სპეციალურ ფასად შეძლებს
"აქ მინიმუმამდეა დაყვანილი ექიმის ჩარევა ორსულობაში, ზედმეტ წამლებს არ უნიშნავენ“ - რას ყვება ამერიკაში მცხოვრები ქართველი მეან-გინეკოლოგი
