გაგრასა და გუდაუთაში ტყის მასივები იწვის - "სპეციალური აღჭურვილობის არ ქონის გამო, ხანძარი მაღალმთიან რაიონში გავრცელდა"

აფხაზეთში, გაგრასა და გუდაუთის რაიონში ტყის მასივები იწვის. ინფორმაციას ამის შესახებ თვითაღიარებული რესპუბლიკის საგანგებო სიტუაციების სამსახური ავრცელებს.

სოფელ "პსახარაში" ხანძრის გაჩენის შესახებ შეტყობინება საგანგებო სამსახურში 13 დეკემბერს შევიდა.

"შემთხვევის ადგილზე მისულმა ორმა სახანძრო ჯგუფმა ხანძრის გავრცელებას მიმდებარე საცხოვრებელ სახლებამდე, ხელი შეუშალა. თუმცა, სპეციალური აღჭურვილობის არ ქონის გამო, ხანძარი მაღალმთიან რაიონში გავრცელდა. ამ დროისთვის, სავარაუდოდ, ტყის 30 ჰექტარი იწვის ", -აღნიშნულია განცხადებაში.

გუდაუთის რაიონში, სოფელ ოთხარაში ხანძარი 12 დეკემბერის გაჩნდა და მწვანე საფარის დაახლოებით 15 ჰექტარი მოიცვა.

"ძნელად მისადგომი ლოკაციის გამო ხანძარის ჩაქრობა ვერ ხერხდება. ამავდროულად, საგანგებო სიტუაციების სამინისტროს თანამშრომლები ატარებენ ოცდაოთხსაათიან მონიტორინგს, რათა დასახლებულ პუნქტში, ცეცხლის გავრცელება არ მოხდეს", - წერს საგანგებო სიტუაციების სამსახური.

მომაზადა თეონა რამაზაშვილმა