კორონავირუსით ტყიბულისა და თერჯოლის ეპარქიის დეკანოზი გარდაიცვალა

კორონავირუსით ტყიბულისა და თერჯოლის ეპარქიის დეკანოზი, თეოდორე გამეზარდაშვილი გარდაიცვალა. ინფორმაციას ამის შესახებ "ფეისბუქში" "საპატრიარქოს უწყებანი" ავრცელებს.

"ახალი კორონავირუსით გამოწვეული ინფექციით (COVID-19) გარდაიცვალა ტყიბულისა და თერჯოლის ეპარქიის მღვდელმსახური, დეკანოზი თეოდორე გამეზარდაშვილი.

მამა თეოდორეს ჯანმრთელობის მდგომარეობა დაამძიმა ვირუსით გამოწვეულმა ინფექციამ. დეკანოზი თეოდორე დასვენებულია თერჯოლის ყოვლადწმინდა ღვთისმშობლის სახელობის საკათედრო ტაძარში.

მწუხარებას გამოვთქვამთ დეკანოზ თეოდორეს გარდაცვალების გამო და თანავუგრძნობთ განსვენებულის ოჯახს, ახლობლებსა და სამწყსოს. უფალმა სავანესა მართალთასა დააწესოს მისი უკვდავი სული. გთხოვთ, ლოცვებში მოიხსენიოთ ახლად შესვენებული დეკანოზი თეოდორე", - ნათქვამია ინფორმაციაში.