ქობულეთის სოფელ წყავროკასა და ცხრაფონაში ცხოველებში ცოფის ახალი შემთხვევები დადასტურდა
ქობულეთის მუნიციპალიტეტის სოფელ წყავროკასა და ცხრაფონაში ცხოველებში ცოფის ახალი შემთხვევები დადასტურდა.ადგილობრივების ინფორმაციით, შინაური ცხოველები დაავადებული ტურისგან დაინფიცირდნენ. ისინი დახმარებას ითხოვენ.
როგორც "ინტერპრესნიუსს" ქობულეთის მერიაში განუცხადეს, სურსათის ეროვნული სააგენტოს მიმართვის შემდეგ, უწყება აღნიშნულ სოფლებში შესაბამის რეაგირებას მოახდენს.
"მუნიციპალიტეტის მხრიდან, საკითხის მოგვარების მიზნით გადაიდგა რიგი ნაბიჯები. გამოყოფილია მონადირეთა ჯგუფი, მონიტორინგი გაგრძელდება სხვა დღეებშიც. სააგენტოს მომართვის შემდეგ, აღნიშნულ სოფელში დაწესდება 60 - დღიანი კარანტინი. თუმცა ეს კარანტინი არ გულისხმობს სოფლის ჩაკეტვას. სოფელში შესვლა და გამოსვლა არ აიკრძალება, რაც ნიშნავს, რომ იმ ტერიტორიებზე რძის და ხორცპროდუქტების რეალიზაცია შეიზღუდება. რეკომენდაციის სახე ექნება სოფლის მოსახლეობისთვის ცოფის ვაქცინის გაკეთებასაც",- აცხადებენ ქობულეთის მერიაში.
მარტვილში მანქანა გზიდან გადავარდა და აალდა - არის მსხვერპლი
"სვანეთის უბანში გაზი აფეთქდა, არიან დაშავებულები" - ადგილობრივი შემთხვევის ამსახველ კადრებს აქვეყნებს
