ექნებათ თუ არა ვაქცინირებულ მოქალაქეებს უპირატესობები - რას პასუხობს ამირან გამყრელიძე კითხვას?
დაავადებათა კონტროლის ეროვნული ცენტრის ხელმძღვანელის ამირან გამყრელიძის თქმით, არ არის გამორიცხული, რომ ვაქცინირებული მოქალაქეებისთვის გარკვეული წახალისება მოხდეს.
ამის შესახებ მან "რუსთავი 2"-ის ეთერში განაცხადა.
კითხვაზე, ექნებათ თუ არა ვაქცინირებულ მოქალაქეებს უპირატესობები, გამყრელიძე პასუხობს:
"ამის პრაქტიკა ზოგიერთმა ქვეყანამ სხვადასხვა ფორმით დაიწყო. მაგალითად, ავსტრალიის ერთ-ერთმა დიდმა ავიაკომპანიამ გამოაცხადა, რომ თვითმფრინავში არ აუშვებენ და ბილეთს არ გაყიდიან ადამიანზე, რომელიც არავაქცინირებულია. ანუ ე.წ. არაპირდაპირი მანდატორიზმისკენ იხრებიან მთელი რიგი ქვეყნები, თუ აცრილი არ ხარ.
ან შეიძლება იყოს ეს წახალისება. ერთმა ჩემმა კოლეგამ გამოაცხადა, რომ მაგალითად, კლინიკები, რომლებიც სრულად იქნებიან აცრილი, მიეცეთ სერთიფიკატი, რომ ეს კლინიკა კოვიდის თვალსაზრისით უსაფრთხოა. რაც შეეხება კომენდანტის საათს, ეს დასამენეჯმენტებლად რთული იქნება" - აღნიშნა გამყრელიძემ.
55 წელს გადაცილებული პირების ვაქცინაცია დღეიდან დაიწყო
საქართველოში ამინდი გაუარესდება - "ძლიერმა ნალექებმა შესაძლოა, წყალმოვარდნები და მეწყრული პროცესის ჩასახვა გამოიწვიოს"
