"სასამართლომ უკანონოდ ცნო ჩემთვის სანოტარო საქმიანობის შეჩერება" - იუსტიციის სამინისტრომ ბაჩანა შენგელიას ზიანის სახით 12 800 ლარი უნდა გადაუხადოს
თბილისის საქალაქო სასამართლოს გადაწყვეტილებით, იუსტიციის სამინისტრომ ბაჩანა შენგელიას საქმიანობა უკანონოდ შეუჩერა, რის გამო უწყებამ მას 12 800 ლარი უნდა გადაუხადოს. ამის შესახებ ინფორმაცია ბაჩანა შანგელიამ სოციალურ ქსელში გაავრცელა.
"ალბათ გახსოვთ ზაფხულში იუსტიციის მინისტრმა საქმიანობა რომ შემიჩერა. ამ საქმეზე თბილისის საქალაქო სასამართლომ მიიღო გადაწყვეტილება, სრულად დააკმაყოფილა ჩემი სარჩელი, უკანონოდ ცნო სანოტარო საქმიანობის შეჩერება და იუსტიციის სამინისტროს დააკისრა ზიანის სახით 12 800 ლარის ანაზღაურება.
მიმაჩნია, რომ საქმიანობის შეჩერება იყო იმ დევნის კამპანიის გაგრძელება, რაც ჩემი ოჯახის მიმართ ხორციელდება და რასაც დედაჩემის სიცოცხლე შეეწირა 2018 წლის საპრეზიდენტო არჩევნების დროს.
ამიტომ, გადაწყვეტილების კანონიერ ძალაში შესვლისთანავე, აღნიშნული თანხა ჩაირიცხება ,,ია კერზაიას სახელობის, განათლების განვითარების ფონდში", რომელიც 2019 წელს დავაფუძნეთ და ფონდის მეშვეობით მოხმარდება იას უსაყვარლეს საქმეს - ქ. ზუგდიდის მე-6 საჯარო სკოლის მოსწავლეების განათლების ხელშეწყობას. ბრძოლას ყოველთვის აქვს აზრი" - წერს ბაჩანა შენგელია.
"ახლა იმას თუ იტყვიან, ისე შემოაღწია ქვეყანაში, დაბინავდა, არ ვიცოდით ეს ყველაფერიო, მაშინ დავხუროთ ეს ქვეყანა" - ვახო სანაია პოზნერის ვიზიტზე
"ეს კადრი დარჩება - ახალგაზრდა ქართველი ბიჭი, ჩამოვარდნილი პირბადით, რომელიც ელარჯს აჭმევს დამპყრობელს" - გოგი გვახარია პოზნერის ვიზიტზე
