ფართის სოციალური ღონისძიებისთვის გაქირავება იკრძალება - წინააღმდეგ შემთხვევაში, გამქირავებელი ათი ათასი ლარით დაჯარიმდება
"პირველი არხის" ინფორმაციით, სოციალური ღონისძიებების გამართვაზე რეგულაციები და კონტროლი მკაცრდება. ამის შესახებ ტელეკომპანიას შრომის ინსპექციის სამსახურის უფროსმა, ბექა ფერაძემ განუცხადა. ფერაძის თქმით, იზოლაციისა და კარანტინის წესების დამტკიცების შესახებ საქართველოს მთავრობის დადგენილებაში ცვლილებების შეტანა იგეგმება.
ცვლილების მიხედვით, ფართის იჯარით გაცემისას გამქირავებელი ვალდებული იქნება, დამქირავებელს ხელშეკრულებაში ჩაუდოს პირობა, რომ აღნიშნული ფართი არ უნდა გამოიყენონ სოციალური ღონისძიების გამართვის მიზნით.
მსგავსი ხელშეკრულების გაფორმების შემდეგ, თუ გამქირავებლისთვის ცნობილი გახდება, რომ დამქირავებელი ფართს სოციალური ღონისძიების გასამართად იყენებს, ის ვალდებული იქნება, ამის შესახებ შრომის ინსპექციას შეატყობინოს. წინააღმდეგ შემთხვევაში, სოციალური ღონისძიების ჩატარების ფაქტის აღმოჩენის შემდეგ, გამქირავებელი ათი ათასი ლარით დაჯარიმდება, კანონდარღვევის გამეორების შემთხვევაში კი, მის წინააღმდეგ სისხლის სამართლის საქმე აღიძვრება. წაიკითხეთ სრულად
გურამ დოჩანაშვილი სამების ტაძრიდან ტაშით გააცილეს
სამებაში გურამ დოჩანაშვილს სამოქალაქო პანაშვიდი მიმდინარეობს
