რა დამატებითი დეტალები ხდება ცნობილი მესტიაში პოლიციელის ფიზიკური შეურაცხყოფის შესახებ - შსს-ს განცხადება
შინაგან საქმეთა სამინისტრო მესტიის მუნიციპალიტეტში, ხაიშის პოლიციის მიმართ ჯგუფური წინააღმდეგობის ფაქტზე სამი პირის დააკავების თაობაზე ოფიციალურ ინფორმაციას ავრცელებს.
“შინაგან საქმეთა სამინისტროს ცნობით, სამეგრელო-ზემო სვანეთის პოლიციის დეპარტამენტის თანამშრომლებმა, პოლიციელზე ჯგუფური წინააღმდეგობის ფაქტზე 3 პირი: 1979 წელს დაბადებული ვ.გ. 1990 წელს დაბადებული გ.უ. და 1992 წელს დაბადებული გ.უ. დააკავეს.
უწყების ინფორმაციით, დანაშაული 4-დან 7 წლამდე ვადით თავისუფლების აღკვეთას ითვალისწინებს.
გამოძიებით დადგინდა, რომ ბრალდებულებმა მიმდინარე წლის 17 აპრილს, ხაიშში სამართალდარღვევის ფაქტზე რეაგირების დროს პოლიციელებს წინააღმდეგობა გაუწიეს და ფიზიკური შეურაცხყოფა მიაყენეს. დაშავდა ერთი პოლიციელი, რომელსაც პირველადი სამედიცინო დახმარება გაეწია, მისი ჯანმრთელობის მდგომარეობა დამაკმაყოფილებელია.
პოლიციამ ბრალდებულები დანაშაულის ჩადენიდან მალევე ხაიშში დააკავა. გრძელდება საგამოძიებო და საპროცესო ღონისძიებები დანაშაულში მონაწილე სხვა პირთა დაკავების მიზნით.
პოლიციის მიმართ ჯგუფური წინააღმდეგობის ფაქტზე გამოძიება საქართველოს სსკ-ის 353-ე მუხლის მე-2 ნაწილით მიმდინარეობს“, - აღნიშნულია შსს-ის მიერ გავრცელებულ ინფორმაციაში.
ლაგოდეხში პოლიციელი დაჭრეს - ოჯახური კონფლიქტის დროს, სამართალდამაცვმა მამაკაცის შეჩერება სცადა
საქართველოს კულტურული მემკვიდრეობის დაცვის სააგენტო გელათთან დაკავშირებით ინფორმაციას ავრცელებს
