ჩოხატაურში ძლიერი წვიმისა და ქარის გამო სახლები და ელექტროგადამცემი ხაზები დაზიანდა, წაქცეულია ხეები
ჩოხატაურის მუნიციპალიტეტში ძლიერმა წვიმამ და ქარმა პრობლემები შექმნა.
ადგილობრივების ინფორმაციით, სოფლებში - ხევში, დაბაში, ზემოხეთსა და ბურნათში ქარმა ელექტროგადამცემი ხაზები დააზიანა, წაქცეულია ხეები, დაზიანებულია კერძო საცხოვრებელი სახლები.
ჩოხატაურის მერის, ირაკლი კუჭავას თქმით, ერთი საათის განმავლობაში წაქცეული ხეების გამო, სოფელ ხევში გადაკეტილი იყო გზა.
მისივე თქმით, ამ დროისთვის ელექტროენერგია მხოლოდ ერთ უბანს არ მიეწოდება, სხვაგან კი აღდგენილია.
"მერიის წარმომადგენლები, სამაშველო სამსახურების, ასევე "ენერგო-პრო ჯორჯიას" ბრიგადები ამ დრომდე აგრძელებენ მუშაობას.სპეციალური კომისიის მიერ მიმდინარეობს ზარალის აღწერა. მუნიციპალიტეტი შეძლებისდაგვარად დაეხმარება მოსახლეობას, ვგულისხმობ, გადაუდებელ შემთხვევებს", – განაცხადა ჩოხატაურის მერმა, ირაკლი კუჭავამ.
"თბილისი პრაიდის“ ინფორმაციით, 15-მა პოლიტიკურმა პარტიამ ლგბტ უფლებების შესახებ საერთო შეთანხმებას მოაწერა ხელი
ხვალიდან ამინდი გაუარესდება - როგორია უახლოესი დღეების პროგნოზი
