"ევროვიზიის" გამარჯვებული სკანდალში გაეხვა - საზოგადოების აზრით, ის სცენაზე ნარკოტიკების ზემოქმედების ქვეშ იყო: რას აცხადებს მომღერალი

"ევროვიზიის“ მუსიკალურ კონკურსს სკანდალის გარეშე არ ჩაუვლია. საქმე ეხება კონკურსის გამარჯვებულ ბენდს - Måneskin-სა და მის სოლისტს, დამიანო დევიდს. ბენდი კონკურსზე იტალიას წარმოადგენდა. საქმე ისაა, რომ სოციალურ ქსელში არაერთი პოსტი დაიწერა იმის შესახებ, რომ დამიანო დევიდი სცენაზე ნარკოტიკული ზემოქმედების ქვეშ იყო.

აღნიშნულ თემას სხვადასხვა გამოცემებმა სტატიები მიუძღვნეს, სადაც ნათქვამი იყო, რომ მომღერალს შესაძლოა, კოკაინი ჰქონოდა მიღებული.

საკითხზე თავად დამიანო დევიდმა პრესკონფერენციაზე ისაუბრა, სადაც განაცხადა, რომ ის ნარკოტიკების მომხმარებელი არ არის.

• "მე არ ვიღებ ნარკოტიკებს, გთხოვთ მეგობრებო, ნუ ამბობს ამას, მართლა...არანაირი კოკაინი“, - ამბობს მომღერალი.

განცხადება გაავრცელეს "ევროვიზიის“ ორგანიზატორებმაც, სადაც ნათქვამი იყო, რომ დამიანო დევიდი ნებაყოფლობით გაივლიდა ნარკოლოგიურ შემოწმებას.

საზოგადოებაში სპეკულაციები მას შემდეგ დაიწყო, რაც ნახეს, ბენდის მიერ "ევროვიზიის" მოგების აღნიშნვა და ამ დროს დამიანოს ქმედება - ის თავს მაგიდისკენ ხრის. მომღერალმა განმარტა, რომ ამ დროს სინამდვილეში, გიტარისტს ჭიქა დაუვარდა, დაიმსხვრა და ამიტომ დაიხედა ძირს.

ნახეთ ვიდეო:

<iframe width="560" height="315" src="https://www.youtube.com/embed/wRLN34s2l7Y" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></iframe>

ბენდმა განცხადება "ინსტაგრამზეც“ გაავრცელა:

"ჩვენ შოკში ვართ იმით, თუ რას ამბობს ზოგიერთი ადამიანი დამიანოს შესახებ, რომ თითქოს ის ნარკოტიკებს იღებს. ჩვენ ნარკოტიკების მოხმარებას ვეწინააღმდეგებით და არასდროს მიგვიღია კოკაინი, მზად ვართ, გავიაროთ შემოწმება, რადგანაც არაფერი გვაქვს დასამალი“, - ნათქვამია განცხადებაში.

წყარო: BBC.com