"იუბილეა" - ლეღვის ნახარშით პირველი დამწვრობიდან 10 წელი გავიდა

10 წელი გავიდა მას შემდეგ, რაც ლეღვის ნახარშით დამწვრობის პირველი შემთხვევა დაფიქსირდა. ამის შესახებ "ინფო რუსთავთან" დამწვრობის ცენტრის ხელმძღვანელ​მა, გუგა ქაშიბაძემ განაცხადა. მისივე თქმით, დამწვრობის ცენტრში ლეღვის ნახარშით დამწვრობის შემთხვევები დღესაც ფიქსირდება.

"დიდი იმედი გვაქვს, აღარ იქნება ასეთი შემთხვევები. იუბილეა, პირველი შემთხვევის დაფიქსირებიდან 10 წელი ხდება, მაგრამ იქნებ არ გავაათოთ. ბევრ ტრადიციას არ გაუძლია და იქნებ ამანაც ვერ გაძლოს. ყოველწლიურად გვაქვს იმედი, რომ ეს წელი ჩავარდება, თუმცა შემთხვევები მაინც გვაქვს. ეს არის სუფთა ქართული ტრადიცია, ეს ჩვეულებრივი ამბავი არ არის", - განაცხადა ქაშიბაძემ.