ამსტერდამში, ჟურნალისტი პიტერ არ დე ვრიესი ცეცხლსასროლი იარაღით დაჭრეს
ცნობილი ნიდერლანდელი ჟურნალისტი პიტერ არ დე ვრიესი, რომელიც კრიმინალთან დაკავშირებულ თემებზე მუშაობს, ცეცხლსასროლი იარაღით დაჭრეს, - ინფორმაციას "დოიჩე ველე“ ავრცელებს.
გამოცემის ცნობით, შეიარაღებული თავდასხმა ამსტერდამის ცენტრში, RTL-ის სტუდიასთან ახლოს მოხდა.
64 წლის პიტერ არ დე ვრიესი საავადმყოფოშია გადაყვანილი, მისი მდგომარეობა მძიმეა. სამართალდამცავების ინფორმაციით, მომხდართან დაკავშირებით სამი ადამიანია დაკავებული. თავდასხმის მოტივი ჯერჯერობით უცნობია.
ამსტერდამის მერის განცხადებით, ჟურნალისტი სიცოცხლისთვის იბრძვის. მისი თქმით, პიტერ არ დე ვრიესი ეროვნული გმირი და მამაცი ჟურნალისტია.
მომხდარს გამოეხმაურა პრემიერ-მინისტრი მარკ რუტე.
”ეს არის თავდასხმა მამაც ჟურნალისტზე და უფრო ფართოდ, ეს არის თავდასხმა პრესის თავისუფლებაზე, რომელიც ძალიან მნიშვნელოვანია ჩვენი დემოკრატიისა და კანონის უზენაესობისთვის”, - აღნიშნა რუტემ.
დონალდ ტრამპმა Facebook-ს, Twitter-სა და Google-ს უჩივლა - "ჩვენ მოვიპოვებთ ისტორიულ გამარჯვებას ამერიკისა და სიტყვის თავისუფლებისთვის"
შეიარაღებულმა პირებმა ჰაიტის პრეზიდენტი მოკლეს
