47 წლის კოვიდდადებითი ქალი ტყუპის დედა გახდა - ქალბატონი შვილს 10 წელი ელოდა
47 წლის კოვიდდადებითი ქალბატონი ტყუპის დედა გახდა. ქალმა ქუთაისის ერთ-ერთ კლინიკაში იმშობიარა. ინფორმაციას კლინიკის "ფეისბუქ-გვერდი" ავრცელებს.
"47 წლის კოვიდდადებითი ქალბატონი ტყუპის დედა გახდა. ქალბატონი შვილს 10 წლის განმავლობაში ელოდა. ტყუპი ქალ-ვაჟი ქვეყანას ფერიცვალების დღესასწაულზე, საკეისრო კვეთის გზით მოევლინა.
აღსანიშნავია, რომ გასული 24 საათის განმავლობაში კლინიკაში 10 ახალშობილი დაიბადა. აქედან 7 ფიზიოლოგიურ, ხოლო 3 კოვიდსამეანო განყოფილებაში გაჩნდა.
დედებისა და ახალშობილების ჯანმრთელობის მდგომარეობა სტაბილურია", - აღნიშნულია კლინიკის განცხადებაში.