ნატო-ს გენერალურ მდივანს სამხრეთ კავკასიასა და ცენტრალურ აზიაში ახალი სპეციალური წარმომადგენელი ჰყავს
ნატო-ს გენერალური მდივნის სპეციალურ წარმომადგენლად სამხრეთ კავკასიასა და ცენტრალურ აზიაში ესპანელი დიპლომატი ხავიერ კოლომინა დაინიშნა, - მედიის ცნობით, ამის შესახებ ნატო-ში ესპანეთის მისიის „ტვიტერის“ ანგარიშზე გამოქვეყნებულ ინფორმაციაშია აღნიშნული.
ხავიერ კოლომინა ასევე იქნება ნატოს გენერალური მდივნის თანაშემწის მოადგილე პოლიტიკურ საკითხებსა და უსაფრთხოების პოლიტიკაში.
ხავიერ კოლომინამ ჯეიმს აპატურაი შეცვალა, რომელსაც აღნიშნული თანამდებობა 2010 წლიდან ეკავა.