ზურაბ ჯაფარიძეს, რომელმაც სუს-ის შესასვლელი ავტომანქანით გადაკეტა, ტერიტორია ევაკუატორის გამოყენებით დაატოვებინეს

სახელმწიფო უსაფრთხოების სამსახურის შენობასთან "გირჩი-მეტი თავისუფლებისთვის“ აქცია-პერფორმანსი მიმდინარეობს.

პერფორმანსის ფარგლებში, პარტიის ლიდერმა, ზურაბ ჯაფარიძემ სუს-ის შესასვლელი ავტომანქანით ჩაკეტა, რომელშიც თავადვე იმყოფებოდა. სამართალდამცველებმა მას თავდაპირველად მოუწოდეს, რომ უწყების შესასვლელი გაეთავისუფლებინა, თუმცა უარის მიღების შემდეგ, ადგილზე ევაკუატორი მიიყვანეს და ჯაფარიძის ავტომობილი სხვა ტერიტორიაზე სწორედ ევაკუატორის საშუალებით გადაიყვანეს. ზურაბ ჯაფარიძე მანქანის ერთი ადგილიდან მეორეზე გადატანის პროცესში ავტომობილში იმყოფებოდა.

უსაფრთხოების სამსახურებთან მობილიზებულია პოლიცია.

ზურაბ ჯაფარიძე ითხოვს, რომ პრეზიდენტი მიხეილ სააკაშვილი სამოქალაქო კლინიკაში გადაიყვანონ. ამასთან ჩატარდეს რიგგარეშე არჩევნები.

ამასთან, პარტიის კიდევ ერთმა წევრმა, ქუთაისის ვიცე-მერობის ყოფილმა კანდიდატმა იმედა კლდიაშვილმა სახელმწიფო უსაფრთხოების სამსახურის შენობის შესასვლელი ისევ ჩაკეტა. მან შესასვლელთან ავტომობილი გააჩერა.

ის ამ დროისთვის საკუთარ ავტომობილში იმყოფება, საიდანაც გადმოსვლასაც არ აპირებს და არც კომენტარს აკეთებს.

როგორ მისი თანაგუნდელები აცხადებენ, ეს არის მდუმარე აქცია, რითაც კლდიაშვილი მიმდინარე პროცესებს აპროტესტებს.

მან მსგავსი აქცია რამდენიმე დღის წინ გამართა, რის გამოც 2000 ლარით დაჯარიმდა.