"მამა, არ დანებდე, იბრძოლე!" - თამაზ მეჭიაური ფილტვების დაზიანებით კოვიდკლინიკაშია მოთავსებული

პოლიტიკოს თამაზ მეჭიაურის ჯანმრთელობის მდგომარეობა მძიმეა, ინფორმაციას ამის შესახებ სოციალურ ქსელში მისი შვილი, ზაზა მეჭიაური და ყოფილი დეპუტატი, ემზარ კვიციანი ავრცელებენ. როგორც ირკვევა პოლიტიკოსი კოვიდ 19-ს ებრძვის.

"მამა! არ დანებდე! იბრძოლე!" - წერს ზაზა მეჭიაური.

ემზარ კვიციანის ცნობით კი, თამაზ მეჭიაური ფილტვების დაზიანებით კლინიკაშია გადაყვანილი.

"ფილტვების დაზიანების 4%-ით შევიდა 2-3 დღეში უკეთ იყო ველაპარაკებოდი ვაცაპის ლაივით, გუშინწინ დილის 9 - ზე რო დავურეკე, ცუდად იყო და მითხრა, ძლივს გავათენე ღამეო, მეთქი ექიმები სად იყვნენ და გადააგდო გვერდზე თავი, ძალიან უიმედოდ.

გუშინ კატე გადაუღეს უკვე 18-ზე გაიზარდა დაზიანება ფილტვების, დღეს უკვე 85%, ხალხნო, ესაა მკურნალობააა!" - წერს ემზარ კვიციანი.

თვითონ თამაზ მეჭიაური 27 იანვარს. "ფეისბუქის" პირად გვერდზე წერდა:

"კოვიდს ვერც მე გადავურჩი, დღეს დამიდასტურდა... საკონტაქტო პირებს გთხოვთ გაიაროთ ტესტირება... p.s. ტანკისტობამ ვერ მიშველა, საავადმყოფოში გადამიყვანეს..."

ჩვენი ინფორმაციით, თამაზ მეჭიაური აცრილი არ არის.