ძლიერი დაკვამლიანება კიევში - რა ხდება ამ წუთებში უკრაინის დედაქალაქში
უკრაინის დედაქალაქ კიევში ძლიერი დაკვამლიანებაა. ჰაერის დაბინძურების მაჩვენებლით ის ახლა მსოფლიოში მესამე ადგილზეა. ამის შესახებ ინფორმაციას უკრაინული მედია ავრცელებს და განმარტავს, რომ IQAir-ის სერვისმა გამოაქვეყნა რუკა, რომლის თანახმადაც, ყველაზე მძიმე ვითარება დედაქალაქის სამხრეთ-დასავლეთ რაიონებშია.
გარდა ამისა, ვრცელდება ინფორმაციას იმის შესახებ, რომ კიევის დასავლეთით 15-ზე მეტი ხანძარია, ძირითადად იმ ადგილებში, სადაც ოკუპანტთან ინტენსიური ბრძოლა მიმდინარეობს.
უკრაინის შინაგან საქმეთა მინისტრის მრჩევლის ვადიმ დენისენკოს განცხადებით, კიევში კვამლის არსებობისთვის რამდენიმე მიზეზი არსებობს, ერთ-ერთი შესაძლო მიზეზი კი ნაგავსაყრელზე გაჩენილი ხანძარია.
დაკვანლიანების კიდევ ერთ შესაძლო მიზეზად სახელდება ამინდის გაუარესებული პირობები.