საფრანგეთის სამხედრო დაზვერვის ხელმძღვანელი გაათავისუფლეს - "მან ვერ შეძლო უკრაინაში რუსეთის შეჭრის პროგნოზირება"

საფრანგეთის სამხედრო დაზვერვის ხელმძღვანელი ერიკ ვიდო თანამდებობიდან გაათავისუფლეს იმის გამო, რომ ვერ შეძლო უკრაინაში რუსეთის შეჭრისა და ომის პროგნოზირება.

BBC-ის ცნობით მისი გაშვების მიზეზებზე შესაბამის ანგარიშებშია საუბარი. ერთ-ერთ ანგარიშში ნათქვამია, რომ ვიდოს ადანაშაულებენ არაადეკვატურ შეფასებებში და რეალური ფაქტების შესახებ ინფორმაციის სიმწირეში.

საფრანგეთში ამბობენ, რომ შეერთებულმა შტატებმა სწორად შეაფასა, რომ რუსეთი გეგმავდა უკრაინაში ფართომასშტაბიან შეჭრას. საფრანგეთმა კი დაასკვნა, რომ ეს ნაკლებად სავარაუდო იყო..

ამასთან, "ესოშიეთიდ პრესს“ სამხედრო წყარომ უთხრა, რომ გენერლის მოვალეობა იყო სამხედრო დაზვერვის უზრუნველყოფა კონკრეტული ოპერაციების შესახებ და არა წინასწარი შეფასებების და განზრახვების პროგნოზირება.