რუსეთმა ლუგანსკის ოლქზე სარაკეტო იერიში მიიტანა, არიან დაღუპულები და დაშავებულები
ლუგანსკის ოლქში რუსების მიერ განხორციელებული სარაკეტო დარტყმის შედეგად ორი ადამიანი დაიღუპა, ორი კი დაშავდა, - ამის შესახებ ოლქის სამხედრო ადმინისტრაციის ხელმძღვანელმა სერჰი გაიდაიმ Telegram-ში განაცხადა.
"გუშინ მტერმა რეგიონში საცხოვრებელ უბნებზე თავდასხმა 34-ჯერ განახორციელა. ლისიჩანსკისა და პოპასნაიაში დაიღუპა ორი ადამიანი, ორი ქალი კი ლისიჩანსკში დაშავდა“, - განაცხადა გაიდაიმ.
მისი თქმით, თავდასხმების შედეგად 45 საცხოვრებელი სახლი და სხვა ობიექტები დაზიანდა.