"მოგესალმებით ევროპულ ოჯახში, როდესაც დემოკრატიზაციის გზაზე დაბრუნდებით" - როგორ ულოცავს ვიოლა ფონ კრამონი საქართველოს დამოუკიდებლობის დღეს
ევროპარლამენტარი ვიოლა ფონ კრამონი საქართველოს დამოუკიდებლობის დღესთან დაკავშირებით მისალოც განცხადებას "ტვიტერის" გვერდზე ავრცელებს.
კრამონმა საქართველოს დამოუკიდებლობის დღე მიულოცა და აღნიშნა, რომ საქართველოს ევროპულ ოჯახში მიესალმებიან მაშინ, როდესაც დემოკრატიულ გზაზე დაბრუნდება.
"ქართველმა ხალხმა დამოუკიდებლობის ფასი ყველაზე კარგად იცის. გასულ საუკუნეში, თქვენ ის ორჯერ გამოაცხადეთ, პირველად, რუსეთის იმპერიიდან, ხოლო შემდეგ საბჭოთა კავშირიდან გასვლისას. დამოუკიდებლობა ადვილი არ არის, ის ბრძოლასა და შრომას მოითხოვს. ამ რთულ დროს, საქართველო მრავალი გამოწვევის წინაშე დგას. რუსეთის მიერ ქართული მიწების ოკუპაცია გრძელდება.
ჩვენ, საქართველოს მეგობრები, ე.წ. არჩევნებს ან ე.წ. რეფერენდუმს, რუსეთთან "შეერთების" შესახებ, არასოდეს ვაღიარებთ. ჩვენ, თქვენი სუვერენიტეტის განმტკიცებაში თქვენთან ერთად ვდგავართ. დამოუკიდებლობა ასევე ნიშნავს თქვენს აწმყოზე პასუხისმგებლობის აღებასა და თქვენი მომავლის განსაზღვრას. ქართველებმა, უმრავლესობით ევროპული მომავალი აირჩიეს.
თქვენი ღირებულებებითა და იდენტობით, მოგესალმებით ევროპულ ოჯახში, როდესაც დემოკრატიზაციის გზაზე დაბრუნდებით. გილოცავთ დამოუკიდებლობის დღეს!" - წერს კრამონი.