ირინა შეიკისა და ბრედლი კუპერის მხიარული არდადეგები ბაჰამის კუნძულებზე ღორებთან ერთად - სოფლის ცხოვრებით აღფრთოვანებული წყვილის ფოტოები
რუსი მოდელი ირინა შეიკი ბაჰამის კუნძულებზე ბრედლი კუპერთან ერთად ისვენებს. დასვენების ამსახველი ფოტოები ირინამ სოციალურ ქსელში გამოაქვეყნა და როგორც ვხედავთ, წყვილი ღორებითა და სხვა ცხოველებით არის აღფრთოვანებული.
Insagram-ზე გამოქვეყნებულ პოსტში ჩანს, რომ ირინამ და მისი შვილის მამამ პლაჟთან, მდელოებზე იპოზიორეს და აჩვენეს, როგორ მხიარულობდნენ ღორებთან და ლოქოსთან ერთად.
- შეიკი და კუპერი ერთმანეთს 2019 წელს დაშორდნენ. მაშინ წერდნენ, რომ მიზეზი კუპერისა და ლედი გაგას რომანი იყო, თუმცა ეს ჭორი აღმოჩნდა და მალე ლედი გაგამ საზოგადოების წინაშე საყვარელი მამაკაცი "გამოაჩინა."
შეგახსენებთ, რომ ივლისში შეიკმა ინსტაგრამზე სთორი გამოაქვეყნა, რომელშიც სიტყვა "რუსები“ და ასო "Z“ გამოიყენა.
მოდელმა "სთორიში“ ცნობილი სალათის, ოლივიეს, ფოტო დადო და დაასათაურა: Russianzz on wednesday ("რუსები ოთხშაბათობით").
სალათთან ერთად ინტერნეტმომხმარებლების ყურადღება სწორედ ფოტოს აღწერამ მიიქცია - განსაკუთრებით კი იმ ფაქტმა, რომ მართლწერის მიხედვით სწორი S-ის ნაცვლად სათაურში ორი Z ფიგურირებდა. ზოგიერთის აზრით, ეს მინიშნება იყო რუსეთის ქმედებების მხარდაჭერაზე, რადგან Z ასონიშანი, რომელსაც რუსი სამხედროები ატარებენ, ბოლო ხანებში კრემლისტური ნარატივისა და აგრესიის სიმბოლოდ იქცა.
თუმცა, მოდელმა მოგვიანებით კიდევ ერთი "სთორი“ გამოაქვეყნა, სადაც დაწერა, რომ "ზოგჯერ სალათი, უბრალოდ, სალათია“, თავად კი კოდურ მესიჯებსა და პოლიტიკურ განცხადებებს არ აკეთებდა.
36 წლის შეიკსა და 47 წლის კუპერს 5 წლის ქალიშვილი ჰყავთ.