მეფე ჩარლზ III-მ დღეს ლონდონის ბუკინგემის სასახლეში პირველი აუდიენცია გამართა

დიდი ბრიტანეთის მეფე ჩარლზ III-მ დღეს ლონდონის ბუკინგემის სასახლეში პირველი აუდიენცია გამართა. ამის შესახებ The Sun იუწყება.

ლანჩის შემდეგ, მეფესთან ბრიტანეთის პრემიერ-მინისტრი ლიზ ტრასი მივიდა.

როგორც ცნობილია, მთავრობის ახალი მეთაური თანამდებობაზე დედოფალმა ელისაბედმა გარდაცვალებამდე ორი დღით ადრე - სამშაბათს დანიშნა. ამისთვის ლიზ ტრასი ბალმორალში (შოტლანდია) იმყოფებოდა, სადაც დედოფლის წინაშე ფიცი დადო.

ინფორმაციის თანახმად, ამიერიდან ახალი მონარქი და პრემიერ-მინისტრი სახელმწიფო საკითხებს ყოველ სამშაბათ საღამოს ბუკინგემის სასახლეში აუდიენციის დროს განიხილავენ.

შეგახსენებთ, დიდი ბრიტანეთის დედოფალი ელისაბედი 96 წლის ასაკში, 8 სექტემბერს, შოტალდიაში, ბალმორალის სასახლეში გარდაიცვალა.

იხილეთ ასევე:

• რა ხდება ბრიტანეთში დედოფლის სიკვდილის შემდეგ - ოპერაცია "ლონდონის ხიდი" და ახალი მეფე: სამეფო ტახტს ჩარლზი დაიკავებს