შვედეთში მემარჯვენეებისა და ულტრამემარჯვენეების ბლოკის გამარჯვების შემდეგ, მაგდალენა ანდერსონმა თანამდებობის დატოვების შესახებ განაცხადა
არჩევნებში მემარჯვენე და ულტრამემარჯვენე ბლოკის გამარჯვების შემდეგ, შვედეთის პრემიერ-მინისტრმა მაგდალენა ანდერსონმა თანამდებობის დატოვების შესახებ განაცხადა.
მედიის ცნობით, ქვეყნის პრემიერ-მინისტრის პოსტს, დიდი ალბათობით, "ზომიერი პარტიის“ ლიდერი, ულფ კრისტერსონი დაიკავებს.
"ახლა ვიწყებ მუშაობას ახალი და ძლიერი მთავრობის ჩამოყალიბებაზე“, - აღნიშნა კრისტერსონმა.
ჯერჯერობით უცნობია, დაიკავებენ თუ არა სამთავრობო პოსტებს ულტრამემარჯვენეები.
"ახლა იწყება მუშაობა, რათა შვედეთი კვლავ დიდებული გახდეს“, - განაცხადა ნაციონალისტური, ანტიიმიგრაციული, ანტიისლამური, ევროსკეპტიკური და ულტრამემარჯვენე პარტიის "შვედეთის დემოკრატების“ ლიდერმა ჯიმი აკესონმა.
იხილეთ ასევე: