ენათმეცნიერი, პოლიტიკოსი ნოდარ ნათაძე 93 წლის ასაკში გარდაიცვალა

ენათმეცნიერი, პოლიტიკოსი, ეროვნული მოძრაობის ერთ-ერთი ლიდერი და "სახალხო ფრონტის“ თავმჯდომარე, ნოდარ ნათაძე 93 წლის ასაკში გარდაიცვალა.

• ნოდარ ნათაძე 1929 წლის 27 მაისს თბილისში დაიბადა. 1952 წელს დაამთავრა თბილისის სახელმწიფო უნივერსიტეტის ფილოლოგიის ფაკულტეტი ქართული ენისა და ლიტერატურის სპეციალობით.

1955 წელს დაამთავრა საქართველოს მეცნიერებათა აკადემიის არნოლდ ჩიქობავას სახ. ენათმეცნიერების ინსტიტუტის ასპირანტურა.

1956-1969 წლებში იყო ენათმეცნიერების ინსტიტუტის მეცნიერ-თანამშრომელი. ფილოსოფიის ინსტიტუტის კლასიკური მემკვიდრეობის სექტორის გამგე

1969 წლიდან. საქართველოს სახალხო ფრონტის დამფუძნებელი და გამგეობის უცვლელი თავმჯდომარე 1989 წლიდან. საქართველოს სსრ უზენაესი საბჭოს წევრი (1989-1990). 1990-1991 წლებში იყო საქართველოს რესპუბლიკის უზენაესი საბჭოს წევრი.

ნოდარ ნათაძეს ხელი აქვს მოწერილი საქართველოს სახელმწიფოებრივი დამოუკიდებლობის აღდგენის აქტზე.