"პაციენტი თუ "არ ჭამს" და გამიზნულად იმყოფება თვითდაზიანების რეჟიმში, რასაც მძიმე კახექსიამდე მიყავს, ეს დიდი საექიმო შეცდომის შედეგია" - რას წერს ნანა გეგეჭკორი?
"პაციენტი იღებს მხოლოდ მისთვის სასურველ საკვებს და ისიც მისთვის სასურველ დღეებში, ეს არ ნიშნავს, რომ ვერ ჭამს, უფრო ალბათ - არ" - ეს განცხადება "ვივამედის“ კლინიკური დირექტორმა რამდენიმე საათის წინ გააკეთა. დილიდან ვრცელდება ინფორმაცია, რომ მიხეილ სააკაშვილის ჯანმრთელობის მდგომარეობა დამძიმდა, იყო მოლოდინი, რომ ექსპრეზიდენტს საზღავრგარეთ გადაიყვანდნენ, მაგრამ ზურაბ ჩხაიძის განმარტებით, საქართველოს მესამე პრეზიდენტის ჯანმრთელობის მდგომარეობა და სასიცოცხლო პარამეტრებიც სტაბილურია.
ამერიკაში მოღვაწე ქართველი ექიმი ნანა გეგეჭკორი ექსპრეზიდენტის ჯანმრთელობის მდგომარეოაბს სოციალურ ქსელში გამოეხმაურა. მიხეილ სააკაშვილის ჯანმრთელობის ამჟამინდელ მდგომარეობას, თუ ის მართლაც თვითდაზიანების რეჟიმშია საექიმო შეცდომას უწოდებს...
ნანა გეგეჭკორი:
- სამედიცინო დაწესებულებაში პაციენტი თუ "არ ჭამს" და გამიზნულად იმყოფება თვითდაზიანების რეჟიმში, რასაც მძიმე კახექსიამდე მიყავს, ეს ისეთივე დიდი საექიმო შეცდომის შედეგია, როგორც ნებისმიერი სხვა დიაგნოზის ვერ ამოცნობა. გამიზნული თვითდაზიანების მცდელობასაც ჯანმრთელობის კონკრეტული მდგომარება განაპირობებს, მისი ამოცნობა და სწორი მკურნალობაც ისეთივე საექიმო ვალდებულებაა, როგორც მაგალითად აპენდიციტის ან ნებისმიერი სხვა დაავადების.
სამედიცინო დაწესებულებაში მყოფი პაციენტის ჯანმრთელობის მდგომარეობაზე სრულად და უპირობოდ ეკისრება პასუხისმგებლობა მისი მართვის პროცესში ჩართულ ექიმთა ჯგუფს და კლინიკის მართვაში მინაწილე ნებისმიერ პირს. ეს აქსიომაა, რამე მაღალი ინტელექტი არ სჭირდება ამის გაგებას. "ვერ ჭამს" თუ "არ ჭამს" ორივე, თანაბარი სირთულის კლინიკური პრობლემაა და ამოცანის ამოხსნა, პაციენტის საუკეთესო ინტერესებში, ექიმის პროფესიული ვალდებულებაა.
იხილეთ ასევე: