გელა დაიაური და მისი მეუღლე შვილს ელოდებიან - რა ფოტოებს აქვეყნებს ეკა მანჩხაშვილი
გელა დაიაური და მისი მეუღლე, ეკა მანჩხაშვილი შვილს ელოდებიან. აღნიშნულის შესახებ დაიარის მეუღლის ფეისბუქ გვერდიდან გახდა ცნობილი.
ეკა მანჩხაშვილმა ფოტოები გამოაქვეყნა და საზოგადოებისგან, ახლობლებისა და მეგობრებისგან წყვილმა არაერთი მილოცვა მიიღო.
"გულს მითბობს ეს ამბავი, ღვთისმშობლის კალთა გფარავდეთ", - წერენ კომენტარებში.
გელა დაიაური და ეკა მანჩხაშვილი გასულ წელს დაოჯახდნენ. წყვილმა ჯვარი 1 ოქტომბერს დაიწერა. ერთი წლის წინ პოეტი ერთ-ერთ ინტერვიუში ამბობდა, რომ გადატანილი ტრაგედიიდან 11 წლის შემდეგ, მარტოობით დაიღალა.
"ღირსეული ადამიანი მიდგას გვერდზე, არ მინდოდა დამემძიმებინა ჩემი ტკივილით, განცდებით ის ადამიანი ვის გვერდითაც ვიქნებოდი. ღირსეული ადამიანი მიდგას გვერდზე, რომელიც ძალიან მიყვარს, თავს კარგად ვგრძნობ და მსუბუქი გახდა ამ ნაბიჯის გადადგმა. ყველაფერი კარგად გავიგეთ და გავიარეთ. კიდევ ერთხელ ვიპოვე მშვიდი ნავსაყუდელი ჩემს ცხოვრებაში. სიყვარული ეს ის გრძნობაა, რომელიც ადამიანს ცხოვრების მიზანს გაძლევს და გაძლიერებს შინაგანად. თვითონ ღმერთია სიყვარული..." - ამბობს "პოსტ ალიონში" საუბრისას გელა დაიაური.