"ეს არის ორკესტრირებული პოლიტიკური შეტევა შალვა რამიშვილზე, რომელიც დაიგეგმა კეზერაშვილის მიერ" - კობახიძე
ეს არის ორკესტრირებული პოლიტიკური შეტევა შალვა რამიშვილზე, რომელიც დაიგეგმა კეზერაშვილის მიერ - ამდენი ფული როცა გაქვს, ამდენი ქალიც შეგიძლია მართო, - ამის შესახებ ჟურნალისტებს "ქართული ოცნების“ თავმჯდომარემ ირაკლი კობახიძემ განუცხადა.
მისივე თქმით, ის ქალთა მიმართ ძალადობას გმობს, თუმცა პოლიტიკური მოტივებით ნაკარნახევ კამპანიას ვერ დაუჭერს მხარს.
"მე არ ვარ სამართალდამცავი უწება, ამიტომ ვერ გავაკეთებ სამართლებრივ საკითხებზე კომენტარს, ეს არის სამართალდამცავების საქმე. რაც შეეხება პოლიტიკურ მხარეს, ყველას მოვუწოდებ შეწყვიტონ პოლიტიკური შეტევა შალვა რამიშვილზე. ეს არის სუფთა პოლიტიკური მიზნებითა და მოტივებით ნაკარნახევი შეტევა, აქედან გამომდინარე, ვერ ვიქნები ამ კამპანიის მხარდამჭერი.
რაც შეეხება ზოგადად ამა თუ იმ მოვლენის შეფასებას, სადაც არის ქალთა მიმართ ძალადობა, რა თქმა უნდა, მე ამას დავგმობ. დეტალები არ ვიცი, მაგრამ ვიცი, რომ ეს არის ორკესტრირებული პოლიტიკური შეტევა, რომელიც დაიგეგმა კეზერაშვილის მიერ. კეზერაშვილმა თავის დანაშაულებს და თავის ტელევიზიას მიხედოს. თავის ტელევიზიებში ათავისუფლოს ხალხი. ამდენი ფული როცა გაქვს, ამდენი ქალიც შეგიძლია მართო“, - განაცხადა კობახიძემ.