"გთხოვთ, არ დაიზაროთ, შეატყობინეთ თქვენს საზღვარგარეთ მცხოვრებ ახლობლებს, რომ მხარი დამიჭირონ" - დღეს "ევროვიზიის" ნახევარფინალში საქართველოს წარმომადგენელი იმღერებს
წელს" ევროვიზიაზე" საქართველოს ირუ ხეჩანოვი წარმოადგენს, რომელიც ქართულ დელეგაციასთან ერთად, ლივერპულში 29 აპრილს გაემგზავრა.
"მაყურებელი სცენაზე იხილავს ძალიან ძლიერ, ემოციურსა და მყარ ირუს. გპირდებით, რომ ჩემს მაქსიმუმს გავაკეთებ, რათა ყველანაირად წარმატება მოვუტანო საქართველოს“, - გვპირდება მომღერალი. მუსიკალური კონკურსის პირველი ნახევარფინალური ტური 9 მაისს გაიმართა, მეორე კი დღეს 11 მაისს, თბილისის დროით, 23 საათზე დაიწყება და მასში მონაწილეობას საქართველოს წარმომადგენელი მე-11 ნომრად მიიღებს. საქართველოს თავისი წარმომადგენლისთვის ხმის მიცემა არ შეუძლია, ამიტომ უცხოეთში მცხოვრები ქართველების მხარდაჭერა უმნიშვნელოვანესია. "ევროვიზიის" კონცერტი ევროპის დროით, 21:00 საათზე დაიწყება, ხოლო ხმის მიცემა 22:20.
- ხმის მიცემა შესაძლებელია ბანერზე მოცემული მხოლოდ იმ ქვეყნებიდან, რომლებიც 11 მაისს გამოვლენ სცენაზე.
- 16 კონკურსანტის გამოსვლის შემდეგ, ხმის მიცემას შეძლებთ ზარის ან მესიჯის საშუალებით, ამიტომ უნდა უყუროთ იმ ქვეყნის საზოგადოებრივ მაუწყებელს, სადაც იმყოფებით.
- ტელეეკრანებზე გამოჩნდება ნომერი, რომლის ბოლოსაც უნდა აკრიფოთ - 11, რაც ნიშნავს, რომ ზარს ახორციელებთ, ან სმს-ს გზავნით საქართველოს წარმომადგენლის მხარდასაჭერად.
- იმ ქვეყნებიდან, რომლებიც არ მონაწილეობენ ევროვიზიის სიმღერის კონკურსში, ხმის მიცემა შესაძლებელია საიტზე www.eurovision.tv
"ძალიან გთხოვთ, არ დაიზაროთ და შეატყობინეთ თქვენს საზღვარგარეთ მცხოვრებ ახლობლებს, რომ მხარი დამიჭირონ - ხმის მიცემა ყველა მონაწილის სიმღერის შემდეგ დაიწყება", - დაწერა სოცოალურ ქსელში ირუ ხეჩანოვმა.
ის "ევროვიზიაზე" სიმღერით Echo წარდგება. მან კონკურსის საგზური მუსიკალურ კონკურს Voice-ში გამარჯვებით მოიპოვა. მომღერალი ჯგუფ "ქენდის" ყოფილი წევრია, რომელმაც 2011 წელს საბავშვო "ევროვიზიაზე" საქართველოს გამარჯვება მოუტანა.
"ევროვიზიის" რიგით 67-ე კონკურსის ფინალი13 მაისს გაიმართება და მასში სულ 25 კონკურსანტი მიიღებს მონაწილეობას. წლევანდელი "ევროვიზია" უკრაინაში უნდა გამართულიყო, თუმცა ომის გამო მასპინძლობა დიდმა ბრიტანეთმა ითავა.
საქართველო კონკურსის მოგებას მეთხუთმეტედ შეეცდება. ქვეყაანა "ევროვიზიზე" 2007 წლიდან გამოდის, აქამდე საუკეთესო შედეგი მე-9 ადგილია, რომელიც 2010 წელს სოფო ნიჟარაძემ, ხოლო 2011-ში ჯგუფმა Eldrine დაიკავეს.