ლომისობის დღესასწაულზე 110 მეხანძრე-მაშველია მობილიზებული: ისინი მომლოცველებს უსაფრთხო გადაადგილებაში ეხმარებიან (ფოტოები)
ლომისობის დღესასწაულზე 110 მეხანძრე-მაშველია მობილიზებული, რომლებიც მომლოცველებს უსაფრთხო გადაადგილებაში ეხმარებიან. ინფორმაციას და ფოტოებს საგანგებო სიტუაციების მართვის სამსახური ავრცელებს.
"შინაგან საქმეთა სამინისტროს საგანგებო სიტუაციების მართვის სამსახურის სახანძრო-სამაშველო ძალების დეპარტამენტის სამაშველო ჯგუფები დუშეთის მუნიციპალიტეტის სოფელ მლეთაში, წმინდა გიორგის ტაძრისკენ მიმავალ გზაზე რამდენიმე ლოკაციაზე მორიგეობენ და მომლოცველების უსაფრთხო გადაადგილებაზე ზრუნავენ.
ლომისის მთის ტერიტორიაზე სპეციალური აღჭურვილობით და ტექნიკით მობილიზებულია 110 მეხანძრე-მაშველი, მათ შორის არიან სამსახურის განსაკუთრებულ სიტუაციებზე რეაგირების მთავარი სამმართველოს ჯგუფები. საჭიროების შემთხვევაში მეხანძრე-მაშველები მოქალაქეებს შესაბამის დახმარებას გაუწევენ" - ნათქვამია ინფორმაციაში.
