"ყველას დაავიწყდა და ყველამ მიატოვა ოთხფეხა მეგობრები სტიქიის ზონაში ... არავის გამოჰყავს" - მოქალაქეები მეწყერში მოყოლილი ცხოველების გადასარჩენად მოხალისეებს ეძებენ

სტიქიამ შოვში ადამიანებთან ერთად არაერთი ცხოველი მოიყოლა. სოციალური ქსელის გვერდი "თათები" ავრცლებს მიმართვას და დაკარგული ცხოველების გადასარჩენად თანადგომისკენ მოუწოდებენ მოხალისეებს.

"ყველას დაავიწყდა და ყველამ მიატოვა ოთხფეხა მეგობრები სტიქიის ზონაში ...ტოვებენ სიკვდილისთვის და არავის გამოჰყავს ...ვინ ხართ მზად, რომ ჩვენ, მე და თიკოს დაგვიდგეთ მხარში მათ წამოსაყვანად? ამ წუთას მე და თიკო ვარკვევთ მანქანის და სხვა საორგანიზაციო საკითხებს, ასევე, ვინ ხართ მზად ეს ცხოველები შეიფაროთ დროებით ან სამუდამოდ" - ვკითხულობთ პოსტში.

შოვში მეწყერი გუშინ ჩამოწვა. ბოლო ოფიციალური ინფორმაციით, შინაგან საქმეთა სამინისტროს საგანგებო სიტუაციების მართვის სამსახურის თანამშრომლების მიერ ონის მუნიციპალიტეტში მიმდინარე სამაშველო ღონისძიების შედეგად, 6 პირის ცხედარია ნაპოვნი.

ასევე იხილეთ:

• "მათ იქ კოტეჯები ჰქონდათ, რომელიც როგორც ვიცი, ახლა განადგურებულია" - სტიქიის ზონაში და-ძმას და მათ ნათესავებს ეძებენ
• "ზაზა მეუღლესთან და 3 შვილთან ერთად ჩემს კოტეჯში იყო... ვეღარ ვუკავშირდებით" - შოვში დაკარგულ ოჯახს ეძებენ
• "3 დღის წინ ჩავიდნენ შოვში დასასვენებლად და "მამისონის კოტეჯებში" დაბინავდნენ... აღარაფერი ვიცით მათ შესახებ" - რას ჰყვებიან სტიქიის ზონაში დაკარგულ და-ძმასა და მათ მეგობარზე