ლეგენდარულმა ლიონელ მესიმ ფლორიდის სანაპიროზე ფეშენებელური სახლი 10.8 მილიონ დოლარად იყიდა - ნახეთ სად დაიდო ბინა ფეხბურთელის ოჯახმა (ფოტო)
როგორც უძრავი ქონების სიახლეებზე სპეციალიზებული საიტი The Real Deal იუწყება ცნობილმა არგენტინელმა ფეხბურთელმა ლიონელ მესიმ, რომელიც სათამაშოდ აშშ-ში გადაბარგდა, სამხრეთ ფლორიდის სანაპიროზე სახლი 10.8 მილიონ დოლარად შეიძინა. ფეშენებელური ვილის მფლობელი ფეხბურთელთან ერთად მისი მეუღლე ანტონელა როკუცოცაა. წყვილი ბინას ახალ სახლში სამ მცირეწლოვან შვილთან ერთად დაიდებს.
ვილა მდებარეობს ფორტ-ლოდერდეილში, რომელიც საკურორტო ქალაქია სამხრეთ ფლორიდას აღმოსავლეთ სანაპიროზე - მდებარეობს მაიამისა და უესტ-პალმ-ბიჩს შორის.
როგორც ირკვევა, შენობის ფართობი 975 კვ/მ-ია. ის ოკეანეს სანაპიროზე მდებარეობს. მასში განთავსებულია 8 საძინებელი, სატრენაჟორო დარბაზი, სპა ოთახი, ასევე ეზოში არის აუზი, გარდა ამისა, სახლის მფლობელებს უშუალო გასასვლელი ექნებათ ორ ნავმისადგომთან.
სახლი 1988 წელს აშენდა და 2000 წელს გაფართოვდა. ყოფილმა მეპატრონეებმა ის შარშან 9 მილიონად იყიდეს და ახლა მესის ოჯახს 10.8 მილიონად მიჰყიდეს.
სახლი "ინტერ მაიამის“ სტადიონთან და საწვრთნელ ბაზასთან 5 მილშია.
ცნობისთვის, არგენტინელი შემტევი ამერიკის ლიგა MLS-ში ამ წლის დასაწყისში გადავიდა.
