"დაღუპულია 11 ადამიანი, 9 დაჭრილის მდგომარეობა მძიმეა" - პრაღაში მომხდარი თავდასხმის შესახებ ახალი დეტალები ხდება ცნობილი

პრაღაში, თავდასხმის შედეგად დაღუპულია 11 ადამიანი. დაჭრილებიდან კი 9 მოქალაქის მდგომარეობა მძიმეა.

დაღუპულებს შორის არის თავდამსხმელიც. ამის შესახებ ინფორმაცია პრაღის სამედიცინო სამაშველო სამსახურმა გაავრცელა.

"თავდამსხმელის ჩათვლით, დაღუპულია 11 ადამიანი, 9 მძიმედ დაშავდა, 6 ადამიანის მდგომარეობა საშუალო სიმძიმისაა, ხოლო 10-მდე ადამიანის მდგომარეობა მსუბუქადაა შეფასებული. ეს რიცხვები შეიძლება შეიცვალოს“, - ნათქვამია გამოქვეყნებულ განცხადებაში.

• ცნობისთვის, ჩეხეთის დედაქალაქის, პრაღას ცენტრში, უნივერსიტეტთან სროლა იყო. გავრცელებული ინფორმაციით, შემთხვევა მოხდა კარლის უნივერსიტეტის ხელოვნების ფაკულტეტის შენობასთან, რომელიც იან პალაჩის მოედანზე მდებარეობს.

ხელისუფლების განცხადებით, გადაკეტილია მთელი მოედანი და მიმდებარე ტერიტორია. პოლიციელების ინფორმაციით, ინციდენტი ამოწურული არ არის და ისინი მოუწოდებენ მოქალაქეებს თავი აარიდონ ამ ადგილას მისვლას და დარჩნენ სახლში.

ცნობისთვის, ჩარლზის უნივერსიტეტი მდებარეობს ტურისტულ ზონაში, ისტორიული ხიდიდან დაახლოებით 500 მეტრში.