"ისინი შემაწუხებლები არიან, განსაკუთრებით სამუშაო ადგილზე" - რატომ არ მოსწონს ჯოდი ფოსტერს Gen Z თაობის ახალგაზრდები

Guardian-თან ბოლო ინტერვიუში ჯოდი ფოსტერმა Gen Z-ის მიმართ უკმაყოფილება გამოთქვა. მსახიობი ყველაზე მეტად მათ სამუშაო ეთიკას იწუნებს: "ხან ასე ამბობენ: აჰ, არა, დღეს ვერ ვარ რაღაც ხასიათზე, 10:30-ზე მოვალ".

ორგზის ოსკაროსანმა მსახიობმა წუხილი გამოთქვა, რომ ამ თაობის ახალგაზრდებს არ აქვთ იდეალური სამუშაო ეთიკა:

"ისინი ნამდვილად შემაწუხებლები არიან, განსაკუთრებით სამუშაო ადგილზე. იტყვიან, რომ იმ დღეს ხასიათზე არ არიან და ამიტომ, გვიან მოვლენ სამსახურში. ან კიდევ ელექტრონულ წერილებში როცა ვეუბნები, რომ გრამატიკულად გაუმართავია და ვეკითხები, თუ გადაამოწმეს გამოგზავნამდე, მპასუხობენ, რომ ამას საჭიროდ არ თვლიან და ეს ერთგვარი შეზღუდვაა."

ვარსკვლავს Gen Z-ის თაობის ორი ვაჟი ჰყავს, ჩარლზი (25 წლის) და კიტი (22 წლის), რომლებიც ჯოდის თქმით, "სუპერ ფემინისტები არიან და ძალიან უყვართ თავიანთი მეგობარი გოგონები", თუმცა მათი ასე ჩამოყალიბება რთული პროცესი აღმოჩნდა.

ჯოდის თქმით, როცა ჩარლზი ჯერ კიდევ თინეიჯერი იყო და ტელევიზორს უყურებდა, მან ნანახიდან დაასკვნა:" აჰა, ანუ უბრალოდ ცუდი ტიპი უნდა ვიყო, გასაგებია. ქალებს ცუდად მოვექცე და თავი მაგარ ბიჭად მოვაჩვენო". ამაზე მსახიობს საკუთარი პასუხი ჰქონდა და შვილს ეუბნებოდა, - "არა, ეს არ არის კაცობა. ეს ის არის, რასაც ჩვენი კულტურა უკვე დიდი ხანია ტვინში გინერგავთ. ჩემთან ასე ლაპარაკი არ გაბედო."

წყარო: people

მოამზადა: ანა სიბოშვილმა