"ჩემგან წასულ მეგობარ აქტივისტებს დახვდნენ და სცემეს" - რას წერს ნატა ფერაძე?
სამოქალაქო აქტივისტის, ნატა ფერაძის განცხადებით, მის მეგობარ აქტივისტებს თავს დაესხნენ.
"ჩემგან წასულ მეგობარ აქტივისტებს დახვდნენ და სცემეს", - წერს ნატა ფერაძე სოციალურ ქსელში და ვიდეომასალას აქვეყნებს.
ამასთან, თავად აქტივისტების განცხადებით, აგრესიული პირები სამართალდამცავებმა ადგილიდან განარიდეს.
"მოვდიოდით მეგობრებთან ერთად, აქ იდგა ჯგუფი, არც ვიცოდი „ალტ-ინფოელები“ იყვნენ თუ ვინ იყვნენ. იყო სიტყვიერი შეურაცხყოფა ჩვენი ჯგუფის მიმართ. მოვბრუნდი, ვკითხე ვის შეაგინეთ-მეთქი და წამიერად დაიწყო ფიზიკური დაპირისპირება“, - აცხადებს ერთ-ერთი აქტივისტი “მთავარ არხთან“.
AMBEBI.GE საქართველოს შინაგან საქმეთა სამინისტროს დაუკავშირდა, დამატებითი ინფორმაციის მიღებისთანავე, ინფორმაცია განახლდება.
ცნობისთვის, "ალტ-ინფოს“ წარმომადგენლები დღეს ნატა ფერაძის საცხოვრებელ სახლთან პროტესტის ნიშნად მივიდნენ. ისინი გუშინ ნატა ფერაძის მიერ სტალინისა და მატრონას ხატისთვის საღებავის შესხმას აპროტესტებდნენ. "ალტ-ინფოს“ წარმომადგენლები ნატა ფერაძის სახლში ასვლას ცდილობდნენ, თუმცა ამის საშუალება მათ ადგილზე მობილიზებულმა სამართალდამცველებმა არ მისცეს.
ნახეთ ასევე:
- "ეს არის ლინჩის წესის დანერგვა... ამ ვიღაცა მატრონა მოსკოველის გამო ამხელა ამბის ატეხა, რა თქმა უნდა, ძალიან უშნოდ მართული აბსურდია" - ნატა ფერაძე მის სახლთან გამართულ აქციაზე
- "მივიდა სამებაში და ჩვენი ყველას გასაკეთებელი გააკეთა... და თურმე მორალური უპირატესობა ამ სტალინისტი ველურების მხარეს ყოფილა" - რას წერს ნინია კაკაბაძე ნატა ფერაძეზე?