"გამიხარდებოდა, ასეთი დახვეწილი სახე და ცხვირი რომ მქონდეს... ამ გოგონას გვერდით რომ მამაკაცია, თქვენი ლოგიკით, სერგი კაპანაძე იქნება" - ირმა ინაშვილი

საზოგადოების გარკვეულ ნაწილში გავრცელდა ინფორმაცია, რომ წმინდა მატრონას ხატზე გამოსახული არიან ირმა ინაშვილი და დავით თარხან-მოურავი.

• აღნიშნული ცნობა თარხან-მოურავმა უარყო და განაცხადა:

"მე დავაკვირდი ხატზე გამოსახულ მანდილოსანს, ირმა ინაშვილს შავი თმა აქვს, ამ მანდილოსანს უფრო წითური-ყავისფერი. თვალები, სახის მოხაზულობა, ცხვირი - მგონი სრულიად ნათელია, რომ ეს არ არის ირმა ინაშვილი, ვერანაირად ვერ მიამსგავსებ იქ გამოხატულ მანდილოსანს ირმა ინაშვილს, ვერც თვალებით, ვერც ცხვირით, ვერც სახის მოხაზულობით, ვერ ცხვირით, თუ გსურთ, რომ გამოიგონოთ, ყველაფრის გამოგონება შეიძლება", - ამბობს დავით თარხან-მოურავი.

ჟურნალისტმა ირაკლი აბსანძემ "ფეისბუქის" საკუთარ გვერდზე გააზიარა ნიუსი, სადაც დავით თარხან-მურავი უარყოფს, ხატზე მისი და ინაშვილის გამოსახვის ფაქტს და პოსტს დააწერა: "მგონი, მივხვდი. მზაკვრული განზრახვა აქვთ - სიცილით დაგვხოცონ"

• ირაკლი აბსანძის პოსტს კომენტარებში გამოეხმაურა ირმა ინაშვილი და გამოაქვეყნა სერგი კაპანაძის ფოტო წარწერით:

"გამიხარდებოდა, ასეთი დახვეწილი სახე და ცხვირი რომ მქონდეს, მაგრამ არა მაქვს. ამ გოგონას გვერდით რომ მამაკაცია, ის (თქვენი ლოგიკით) სერგი კაპანაძე იქნება, სიბერეში..." - დაწერა ინაშვილმა.

ასევე იხილეთ:

• "ამ ხატზე ჩვენ არ ვართ... ირმა ინაშვილს შავი თმა აქვს, ხატზე გამოსახულ მანდილოსანს - ყავისფერი, მე 10 წელია მელოტი ვარ, ეგეთი თმა მაქვს?" - დავით თარხან-მოურავი