"ფრთხილად იყავით, ბავშვებო! ნუ აკლდებით და გვიუშნოებთ ცხოვრებას" - რას წერს თამარ ჩერგოლეიშვილი გარდაცვლილ 19 წლის გოგონაზე?

19 წლის გოგონას მოულოდნელ გარდაცვალებაზე წერს "ტაბულას" დამფუძნებელი, "ევროპული საქართველოს" ერთ-ერთი ლიდერი თამარ ჩერგოლეიშვილი.

"ახალგაზრდა გოგოს სიკვდილზე გავიგე, რომ გამიცინებდა ხოლმე, ისეთი ნაპერწკალი ჰქონდა, მეგონა, სულ იცოცხლებდა.

არ ვიცნობდი - ჩვენს აქციებზე ვხედავდი ხოლმე სულ, გასართობ ადგილებშიც მხვდებოდა.

ძალიან განვიცდი - მიხაროდა რომ დავინახავდი, ენერგიას მაძლევდა მისი ხასიათი.

ფრთხილად იყავით, ბავშვებო! ნუ აკლდებით და გვიუშნოებთ ცხოვრებას" - წერს ჩერგოლეიშვილი.

შეგახსენებთ, წუხელ კლუბ BASSIANI / HOROOM-ის ტერიტორიაზე 19 წლის გოგონა შეუძლოდ გახდა. როგორც სანდო წყარო გვიყვება, ის უგონოდ გადაიყვანეს საავადმყოფოში.

შსს-მ საქმე 115-ე მუხლის პირველი ნაწილით აღძრა, რაც თვითმკვლელობამდე მიყვანას გულისხმობს.

გოგონას ცხედარი ექსპერტიზაზე გადაასვენეს.

წყარო გვიყვება:

"ის უსაყვარლესი ადამიანი იყო, თბილი და პოზიტიური. არ ვიცი, რა მიზეზით, მაგრამ კლუბში შეუძლოდ გახდა, გონება დაკარგა. სასწრაფო დახმარებამ კლინიკაში გადაიყვანა, თუმცა, სამწუხაროდ, ის უკვე გარდაცვლილი იყო“.

გოგონა Re Belle Studio-ს მოდელი გახლდათ. მედიას ეს ტრაგიკული ინფორმაცია Re Belle Studio-ს ხელმძღვანელმა დაუდასტურა.

მისი ინფორმაციით, გოგონა სრულიად ჯანმრთელი იყო. მას გული გაუჩერდა.