გაიკეთებდით ამ სამაჯურს? - Balenciaga-ს მორიგი უჩვეულო აქსესუარი: რა ღირს წებოვანი ლენტის სამკაული, რომელიც შესაძლოა, ტრენდად იქცეს
Balenciaga-ს ქართველმა კრეატიულმა დირექტორმა, დემნამ უკვე დიდი ხანია სხვადასხვა საყოფაცხოვრებო ნივთები მოდის ნაწილად აქცია. მისგან საზოგადოება მიეჩვია უჩვეულო გადაწყვეტილებებს.
მოდისთვის ერთი შეხედვით შეუფერებელი ნივთების ტრენდად ქცევის მცდელობა კიდევ ერთხელ ვნახეთ ახლახან, პარიზის მოდის კვირეულზე, სადაც Balenciaga-მ 2024 წლის შემოდგომა-ზამთრის კოლექცია წარადგინა.
ახალი ნამუშევრების ნაწილი გაფორმებული იყო ერთი უჩვეულო დეტალით - წებოვანი ლენტით. დიახ, ზუსტად ისეთით, ტექნიკისა და საყოფაცხოვრებო ნივთების მაღაზიებში რომ იყიდება. ასევე წებოვანი ლენტის რგოლის ფორმის სამაჯურები კოლექციაში ერთ-ერთ მთავარ აქსესუარს წარმოადგენდა.
მოდის მოყვარულების აზრი ამ აქსესუარმა ორ ნაწილად გაყო. ზოგიერთს ის ძალიან მოსწონს, ზოგიც დემნას აკრიტიკებს.
"ტიკტოკზე" პოპულარული გვერდი, Highsnobiety ეკითხება თავის გამომწერებს, იყიდდნენ თუ არა Balenciaga-ს ამ ახალ სამაჯურს.
<blockquote class="tiktok-embed" cite="https://www.tiktok.com/@highsnobiety/video/7342814112575065390" data-video-id="7342814112575065390" style="max-width: 605px;min-width: 325px;" > <section> <a target="_blank" title="@highsnobiety" href="https://www.tiktok.com/@highsnobiety?refer=embed">@highsnobiety</a> Would you wear this? 🤨 <a title="balenciaga" target="_blank" href="https://www.tiktok.com/tag/balenciaga?refer=embed">#balenciaga</a> <a target="_blank" title="♬ Imperfect Island - DJ BAI" href="https://www.tiktok.com/music/Imperfect-Island-6991905829826627585?refer=embed">♬ Imperfect Island - DJ BAI</a> </section> </blockquote> <script async src="https://www.tiktok.com/embed.js"></script>სოციალური ქსელის მომხმარებლები წერენ, რომ მოდის სახლი საყოფაცხოვრებო ნივთს ელეგანტურ აქსესუარად აქცევს და ერთგვარად, ირონიით მიგვანიშნებს მდიდრებისა და ღარიბების განსხვავებულობაზე და ღარიბულ ნივთებს სნობურ ელფერს სძენს.
ბევრის აზრით, ბრენდი აგრძელებს სიღარიბის ესთეტიკურად წარმოჩენას.
"მდიდრებს სურთ, რომ თავი ცუდად და ღარიბებად იგრძნონ“ - წერს სოციალური ქსელი ერთ-ერთი მომხმარებელი.
არსებული ინფორმაციით, ეს სამაჯური 3000 ევრო ღირს.