"დაიწყო რთული, ხანგრძლივი, თუმცა იმედის მომცემი პროცესი…" - დეკანოზ გიორგი მამალაძის ძმა თურქეთის კლინიკიდან ფოტოებს აქვეყნებს
გასულ კვირას დეკანოზი გიორგი მამალაძე სამკურნალოდ თურქეთში გადაიყვანეს. სასულიერო პირმა რეაბილიტაციის პროცესი უკვე დაიწყო.
ფოტოებს თურქეთის კლინიკიდან მისი ძმა, თორნიკე მამალაძე ავრცელებს.
"დაიწყო რთული, ხანგრძლივი, თუმცა იმედის მომცემი პროცესი…" - წერს დეკანოზის ძმა.
ცნობისთვის, ე.წ. ციანიდის საქმეზე მსჯავრდებული დეკანოზი გიორგი მამალაძე ე.წ. უდოს კომისიამ 14 თებერვალს გაათავისუფლა.
სასულიერო პირი თბილისის აეროპორტში 2017 წლის 10 თებერვალს დააკავეს. ის სამივე ინსტანციის სასამართლომ შურისძიების მოტივით ციანიდის გამოყენებით შორენა თეთრუაშვილის მკვლელობის მომზადებაში ცნო დამნაშავედ და 9-წლით თავისუფლების აღკვეთა მიუსაჯა.