ავსტრალიელი მილიარდერი "ტიტანიკის" ზუსტი ანალოგის შექმნას გეგმავს - რა არის ცნობილი "ტიტანიკი 2-ზე", რომლის აგებაც 1 მილიარდი დოლარი დაჯდება

ავსტრალიელი მილიარდერი, კლაივ პალმერი ისევ დაუბრუნდა თავის გეგმებს - მას სურს თბომავალი-გიგანტი "ტიტანიკი-2“ შექმნა და თვლის, რომ ლეგენდარული ლაინერის ზუსტი ასლი თავის პირველ რეისს 2027 წლისთვის შეასრულებს.

• ამის შესახებ ბრიტანული გამოცემა Daily Mail წერს.

9-გემბანიანი გემის ღირებულება 1 მილიარდ დოლარამდეა. პალმერის თქმით, მისი პროექტი უსაფრთხოების მხრივ, "ორიგინალზე ბევრად უკეთესი“ იქნება. მოსალოდნელია, რომ მშენებლობა 2025 წლის ზამთარში დაიწყება. თუმცა ბიზნესმენის თქმით, მის მფლობელობაში ამ ეტაპზე არ არის იმხელა გემთმშენი, რომ ასეთი მასშტაბური მშენებლობა მოხერხდეს.

• პროექტის მიხედვით, ლაინერში 2.5 ათასი მგზავრი დაეტევა. დაგეგმილია, რომ გემს ჰქონდეს ხის უზარმაზარი კიბე, ზუსტად ისეთი, როგორიც ჰოლივუდის ლეგენდარულ ფილმში "ტიტანიკში“ იყო.

უმდიდრესი კაიუტები კი აღჭურვილი იქნება უმაღლესი ხარისხის ნატურალური ხისგან დამზადებული ინვენტარით, ზუსტად ისეთით, რაც ორიგინალ "ტიტანიკს" ჰქონდა/

გემზე იქნება უზარმაზარი სასადილო და პირველი კლასის სავახშმო დარბაზი, სავარჯიშო დარბაზი, აუზი, საუნები, თეატრი და კაზინო. ამასთან, პალმერის თქმით, "ტიტანიკ-2-ზე“ იქნება თანამედროვე ნავიგაციისა და უსაფრთოხების სისტემები

ცნობისთვის, ორიგინალი "ტიტანიკი“ 1912 წელს 2 ათასზე მეტ მგზავრთან ერთად ჩაიძირა. ტრაგიკულ შემთხვევას მხოლოდ 700 ადამიანი გადარჩა.

ავტორი: ანრი კურტანიძე