ტრაგედია უნგრეთში - რალის მონაწილე მანქანა გზიდან გადავიდა და 4 ადამიანი იმსხვერპლა, არიან დაშავებულებიც

უნგრეთში გამართულ რბოლას 4 ადამიანის სიცოცხლე ემსხვერპლა, არიან დაშავებულებიც. პოლიციის ინფორმაციით, რბოლის მონაწილე ერთ-ერთი მანქანა გზიდან გადავიდა და მაყურებელთა ჯგუფს შეეჯახა. ტრაგიკული შემთხვევა ჩრდილო-დასავლეთ უნგრეთში, მდინარე დუნაისთან ახლოს მოხდა.

უნგრეთის სასწრაფო დახმარების ეროვნული სამსახურის თქმით, მათ შემთხვევის ადგილზე 8 სასწრაფო მანქანა და 4 ვერტმფრენი გაგზავნეს. ორ ადამიანს, მათ შორის ერთ ბავშვს სერიოზული დაზიანებები აღენიშნება, მათ გარდა კიდევ 6 ადამიანი საავადმყოფოში შედარებით მსუბუქი დაზიანებებით გადაიყვანეს.

სოციალურ მედიაში გავრცელებულ ვიდეოებში ჩანს, როგორ სრიალდება გზაზე მანქანა და რალის საყურებლად შეკრებილი მაყურებლისკენ უკონტროლოდ მიემართება.

<iframe allowfullscreen frameborder="0" width="698" height="573" scrolling="no" id="molvideoplayer" title="MailOnline Embed Player" src="https://www.dailymail.co.uk/embed/video/3153485.html"></iframe>

წყარო: theguardian

მოამზადა: ანა სიბოშვილმა