ხმაური და დაპირისპირება პარლამენტის შესასვლელთან - რა ხდება ახლა რუსთაველის გამზირზე? (ფოტო, ვიდეო)
ჭიჭინაძის ქუჩაზე, პარლამენტის შესასვლელთან ხმაურია. სამართალდამცველები ცდილობენ, პარლამენტის შესასვლელი გაათავისუფლონ აქციის მონაწილეებისგან.
- პარტია "ახალის" ერთ-ერთმა ლიდერმა, ნიკა გვარამიამ, რომელიც ადგილზე იმყოფება, მოქალაქეებს მოუწოდა გადაინაცვლონ შენობის შესასვლელთან, რათა პარლამენტში ვერავინ შევიდეს და გამოვიდეს.
ადგილზე სამართალდამცველებსა და აქციის მონაწილეებს შორის ხმაურია. პოლიცია ტერიტორიის გათავისუფლებას ცდილობს.
აქციის მონაწილეები სკანდირებენ "მონებო, რუსებო.
- როგორც ცნობილია, საქართველოს პარლამენტთან სამოქალაქო ორგანიზაციების ორგანიზებით, „უცხოური გავლენის გამჭვირვალობის შესახებ“კანონპროექტის წინააღმდეგ აქცია მიმდინარეობს.
ამ წუთებში რუსთაველის გამზირზე საავტომობილო მოძრაობა შეწყდა. აქციის მონაწილეებს ადგილზე კანონპროექტის წინააღმდეგ სხვადასხვა შინაარსის ბანერები აქვთ მოტანილი.
შეგახსენებთ, რომ პარლამენტში „უცხოური გავლენის გამჭვირვალობის შესახებ" კანონპროექტს დღეს პლენარულ სხდომაზე პირველი მოსმენით განიხილავენ.
წაიკითხეთ ასევე: "მე რაც ვნახე, მოქალაქეები ძალადობენ პოლიციელებზე" - რას აცხადებს საპატრულო პოლიციის უფროსის მოადგილე აქციაზე არსებულ ვითარებაზე?
ნახეთ ვიდეოკადრები: