"ჯოხით ვდგავარ, ინვალიდი კაცი და ერთი ბალონი დამაცალეს... ახლაც ვერაფერს ვხედავ" - რას ჰყვება მიხეილ რამიშვილი, რომელსაც ე.წ. წიწაკის სპრეი შეასხეს

პარლამენტის შენობის უკანა შესასვლელთან სამართალდამცველებსა და აქციის მონაწილეებს შორის შეხლა შემოხლაა. სამართალდამცველებმა დემონსტრანტების წინააღმდეგ ე.წ. წიწაკის სპრეი გამოიყენეს.

ადგილზე სასწრაფო დახმარების ბრიგადებია მობილიზებული. ცნობილი ხდება, რომ დაშავებულია რამდენიმე ადამიანი.

• დაშავებულებს შორის არის ადვოკატი მიხეილ რამიშვილი. ამბობს, რომ ე.წ. წიწაკის სპრეის შესხმის შემდეგ სასწრაფო დახმარების ბრიგადის დახმარება დასჭირდა.

"ერთი ბალონი დამაცალეს, ისე, რომ ვერაფერი ვეღარ დავინახე. ახლაც ამ წუთას ვერაფერს ვერ ვხედავ. თან ჯოხით ვდგავარ, ინვალიდი კაცი ვარ. არაფერი აინტერესებდათ, დავალება იყო, რომ ჩაექოლათ ყველა. უნდოდათ, გამოეჩინათ ძალა, რომ ყველაფერზე არიან წამსვლელები. ამ ხნის კაცი ვდგავარ და ყველანაირ პირობას ვქმნი, რომ კანონის დარღვევა არ მოხდეს და კანონის დამცველი რომ კანონს დაარღვევს ის ყველაფერზე წამსვლელია" - ამბობს რამიშვილი.

ნახეთ: პარლამენტთან სამართალდამცავებმა ე.წ. წიწაკის სპრეი გამოიყენეს: კადრები ადგილიდან

ომბუდსმენი განცხადებას ავრცელებს - "მოვუწოდებ შსს-ს, უზრუნველყოს ყველა მოქალაქის გამოხატვისა და შეკრების თავისუფლების დაცვა"