"ალა ლუსულ კანონს” გადაგექცევათ: "ალა ქართულ ოცნებას!” - რას წერს თბილისში მიმდინარე მოვლენებზე ნინო ხარატიშვილი
გერმანიაში მცხოვრები ცნობილი ქართველი მწერალი, ნინო ხარატიშვილი “უცხოური გავლენის გამჭვირვალობის“ შესახებ კანონსა და მიმდინარე აქციებს ეხმაურება:
- "ალა ლუსულ კანონს” გადაგექცევათ: "ალა ქართულ ოცნებას!”, – წერს მწერალი სოციალურ ქსელში.
შეგახსენებთ, რომ "ალა ლუსულ კანონს” – ამ ფრაზით რამდენიმე დღის წინ კულტურის მინისტრი წულუკიანი გამოეხმაურა ქუჩაში გაკეთებულ წარწერას, სადაც ეწერა: "თეა, კულტურა შენი სპორტი არაა!”(ვრცლად - "ამის ავტორებმა ღამე რატომ გატეხეთ, დღის შუქზე გააკეთეთ რაღა. ტარაკანა ხომ არა ხარ, ოხერი?! ალა ლუსულ კანონს" - რას წერს თეა წულუკიანი)
სამი დღის წინ, მწერალმა სოციალურ ქსელში ამ თემაზე ვრცელი პოსტი გამოაქვეყნა, სადაც წერდა:
"ჩვენი მტერი რეალურია, ჩვენ მას კარგად ვიცნობთ და ის დღემდე ჩვენს ტერიტორიაზე დგას, მავთულხლართს მიღმა და თვალებში გვიყურებს!“
ცნობისთვის, პარლამენტის პლენარულ სხდომაზე “უცხოური გავლენის გამჭვირვალობის შესახებ“ კანონპროექტის პირველი მოსმენით განხილვა დღეს, 17 აპრილს გაგრძელდება.